Эх хэлээ эрхэмлэгч “Монсудар” хэвлэлийн газар болон “Монгол Хэл Соёлын Хүрээлэн”-ээс монгол хэл, бичгийн талаарх төрийн бодлого шийдвэрийг хэрэгжүүлэх, эх хэлний тулгамдсан асуудлыг шийдвэрлэхэд өөрийн хувь нэмрээ оруулах зорилгоор ШУА-ийн ХЗХ-гийн эрдэмтэд, МУИС, МУБИС-ийн эрдэмтэн багш нартай хамтран, олон нийтийн эх хэлний боловсролын хэрэгцээ шаардлагад нийцүүлэн эрдэмтэн, судлаач, их дээд сургуулийн багш, оюутан, ЕБС-ийн багш, сурагч гээд ер монгол хэлээр хэлэлцэгч, хэрэглэгч, сонирхогч, утгыг ухах гэсэн хэнд ч болов чухал хэрэгцээтэй оюуны хөрөнгө оруулалт болохуйц
“Монгол хэл, соёл” цуврал
1.
Монгол хэлний тайлбар толь
2.
Монгол хэлний үгийн дуудлагын толь
3.
Монгол хэлний этгээд үг хэллэгийн толь
4.
Монгол кирил бичгийн зөв бичих зүйн толь
5.
Монгол бичгийн зөв бичих зүйн толь
6.
Монгол хэлний өвөрмөц хэлцийн толь
7.
Монгол хэлний хэвшмэл хэлцийн толь
8.
Монгол хэлний товчилсон үгийн толь
9.
Монгол хэлний эсрэг үгийн толь
10.
Монгол хэлний хоршоо үгийн толь
11.
Монгол хэлний хуучин үгийн толь
“Монгол хэл бичгийн өврийн толь” цуврал
1.
“Монгол хэлний өвөрмөц хэлцийн өврийн толь”
2.
“Монгол бичгийн дүрс ялган бичих үгийн толь”
3.
“Монгол бичгийн уламжлалт бичлэгтэй үгийн толь”
4.
“Монгол бичгийн бичлэг ижил үгийн толь” –ийг
эрхлэн гаргаад байна.
Бид эрдэмтэн судлаач болон их, дээд, сургууль, ЕБС-ийн багш нарын төлөөлөл, хэвлэл мэдээлийн ажилтнуудыг урьж, монгол хэлний зөв бичих зүйн дүрэм, эх хэлний тулгамдсан асуудал, эх хэлний хичээл боловсролд хандах хандлага, үнэ цэн зэрэг асуудлаар ээлжит хэлэлцүүлгийг жил тутамд хийж байна. Хэлэлцүүлгийн үеэр болоод нийтэд мэдээллэгдсэнээс хойш бидний эрхлэн гаргасан энэхүү цувралыг нийтэд түгээн дэлгэрүүлэх нь зүйтэй байна гэсэн санал хүсэлт ирсээр байгаа бөгөөд бид ч энэхүү цувралаа өөрийн эрх ашгийн төлөө бус эх хэлээ эрхэмлэхийн учир нийт хүмүүсийн болоод гол нь эх хэл, соёлынхоо эрх ашгийн төлөөнөө хийж буй болно.
Төрийн өмчийн болон холбогдох ЕБС, их дээд сургуулиуд, мөн төрийн албад зэрэг хэрэгцээт газруудад түгээн нийлүүлэх нь ерөөс хэн нэгний эрх ашгийн төлөө бус эх хэлний боловсрол, үндэсний соёлынхоо төлөө хийх хамгийн эхний зөв зүйтэй алхам болохыг дахин тэмдэглээд, энэхүү эх хэлний боловсролын төлөөх эрхэм ажилд та бүхнийг идэвхтэй оролцохыг уриалж байна.
Жич өгүүлэхэд хүрээлэн нь энэхүү цувралынхаа дараа дараагийн бүтээлүүдийг бүтээх ажлыг хэдий нь эхлээд байгаа бөгөөд та бүхнийг санал хүсэлтээ ирүүлэн,бидний үйл хэргийг дэмжиж ажиллавал таатай хүлээн авч ажиллахаа мэдэгдье!
“Монгол хэл соёлын хүрээлэн”-ийн захирал Г.СҮЛД-ЭРДЭНЭ
Бидэнтэй холбогдох утас: 11-329962, 99060901