Газар газрын баячууд тансаг машин, завь, орд харш, зарим нь эзэмшдэг арлаараа тансаглаж гайхуулна. Гэхдээ баян хүний амьдралд бэрхшээл мундахгүй. Төв Азийн өндөрлөгт Монгол улсын төвд оршдог нийслэл Улаанбаатараас далайн эрэг хүрч нарлаг сайхан наран шарлагын газарт очих юм уу тансаг завиар аялах гэвэл хамгийн багаар бодоход 7000 км зам туулах хэрэгтэй болно.
1Гэхдээ өөрийн сонголт бас байна аа. Тэгээд монголын олигархи, нэг нь шар айрагны үйлдвэрийн эзэн, нөгөө нь зэс, нүүрсний уурхайн эзэн хоёр найз зургаан дугуйн дээрх завиар тансаглахаар шийдсэн байна. Тэр дугуйн дээрх яг ижил шахам хоёр тансаг байшин барьж тал нутгаар зугаалан, уул Алтайд ан хийхэд унадаг болж. 
2Mercedes Zetros 2733А 6x6 машин дээр байрлуулсан энэ тансаг сууц тус бүр хоёр өрөө, гал тогоо, усны өрөөтэй. Бүхий л өрөө нь тус бүр хоёр цонх, шумуулаас хамгаалах тортой. Мөн үнэт зүйл, зэвсэг хадгалах зориулалтын сейфтэй. Мебель тавилга, тоноглолууд нь алсын замд доргио чичиргээнээс хамгаалахаар тоноглосон.
3Өмнөд хэсэгт байрлах зочны өрөө нь арьсан бүрээстэй зөөлөн диван, уулзалтын ширээтэй.
4Ширээ нь бас зүгээр ч үгүй зочдод ор засахад зориулан эвхэгддэг зориулалттай.
5Зочны болон унтлагын өрөөнд 40,46 инчийн хоёр телевизэр бий.
6Арын хэсэгт том ор, шүүгээ бүхий унтлагын өрөө, усанд орох тасалгаа байна.
Ариун цэврийн өрөөнд шүршүүр, суултуур, толь бүхий гурван хаалгатай шүүгээ байгаа. Энэ өрөө гантиг чулуун шалтай.
7
Гал тогоо нь цахилгаан зуух, богино долгионы зуух, хөргөгч, хөлдөөгч, бичил баар, кофе буцалгагч гээд айлын гал тогоонд байдаг бүх зүйл бүрэн.
820 литрийн бойлероор ус халаана. Цаг агаар сайхан байхад бол гадаа шүршүүр тавьж болно. Авч яваа 250 литр усаа шууд хэрэглэхгүй ариун цэврийн өрөө, гал тогоо гээд бүх зүйлд цэвэршүүлэг шүүлтүүртэй.
9Цахилгаан мотороос гадна тус бүр 220 вольтын дөрвөн нэмэлт аккумлятортай болохоор цахилгааны хангамжид сэтгэл зовох зүйлгүй. Сансрын антенаар хиймэл дагуулын холбоо барина.Радио станц, дотоод Wi-Fi бас бий.
10Зургаан дугуйн дээрх тансаг сууцны өргөн 2,70, урт нь 11,30, өндөр нь 4,20 метр. Даац нь 25 тонноос ашигтай даац 16 тонн. Машин цагт 89 км хурдална.
Аа бас арын хэсэгтээ дөрвөн дугуйт, цаснаа явагч чарга ачих гараж бас байгаа.
11Жолоочийн кабин бас эгэл биш. Жолоочийн унтах диван, тусгай агааржуулагч, хяналтын камертай. Кабины дээр 100 кг ачаа багтах аяллын тээшний сав байгаа.
12322 морины хүчтэй 7,2 литрийн багтаамжтай ОМ 926 дизель мотортой.
Mercedes Benz Zetros машины зургаан дугуйн дээрх энэ тансаг “байшин”-г германы Hartmann Spezialkarosserien Huenerkopf компаниуд тоноглосон байна. Эхний компани нь машиныг нь үйлдвэрлэсэн бол хоёр дахь нь дугуйн дээрх тансаг байшинг тоноглож бэлтгэжээ.
13Далайд гарцгүй монголын саятнууд зургаан дугуйн дээрх ийм л тансаг “дугуйт завь”-иар аялж зугаалж, ан хийж байна даа хэмээн оросын ca-news.org сайтад бичжээ.
