Бидний өдөр тутам хийдэг эдгээр зүйлсийн тухай уншсан зарим хүн итгэж ядан, заримынх нь уур хүрдэг гэнэ.
Хүн бүхий л амьдралынхаа туршид 250 000 удаа эвшээдэг аж.
Энэ зургийг хараад та ч эвшээмээр болно доо.
Хүн амьдралынхаа туршид дунджаар 23 659 литр шүлс ялгаруулдаг байна.
Үүгээр 2 ч бассейн дүүргэж болох гэнэ.
Хүний тархи насан туршдаа квадриллион бит мэдээллийг хадгалж байдаг ажээ.
Квадриллион (Мон: Тунамал) гэдэг нь сая тэрбум гэсэн үг.
Хүн амьдралынхаа гуравны нэгийг унтаж өнгөрөөдөг.
Бид 20-30 жилээ унтаж өнгөрөөх нь. Тэгсэн хир нь ядраад л байдаг биз дээ?
Гэхдээ хүн өдөрт дор хаяж 7 цаг амарч унтах шаардлагатай.
Удаан хугацаанд үүнээс бага хэмжээгээр унтах нь эрүүл мэндэд маш хортойгоор зогсохгүй таны насыг богиносгох хүртэл сөрөг нөлөөтэй.
Амьдралын тань туршид таны арьс 900 удаа бүрэн солигддог.
Гэхдээ энэ нь арьсаа хамгаалахгүй явах шалтгаан биш шүү.
Эрчүүд бүхий л амьдралынхаа нэг жил орчмыг нь эмэгтэйчүүдийг ширтэж өнгөрөөдөг байна.
Харин эмэгтэйчүүд юу өмсөхөө шилж сонгосоор амьдралынхаа нэг жилийг алддаг гэнэ.
Зөвлөлгөө: Юу өмсөхөө урьдчилан бэлдээрэй!
Эрчүүд сахлаа хусахад 6 жилийг зориулдаг.
Бид бүхий л амьдралынхаа туршид 35 тонн хоол иддэг.
Уг нь 35 тонн салат байсан бол их сайн байхсан.
Бид суултуур дээрээ 3 сар “амьдардаг”.
Идсэн хоол хаашаа ч юм алга болох ёстой биз дээ.
Бид бүхий л амьдралынхаа туршид дунджаар 183 755 600 алхам хийдэг.
Бид үүнийг огт бодох санах юмгүйгээр хийдэг аж.
Гэхдээ л эдгээр алхмууд нийлээд 120 700 км болдог гэвэл ямар байна?
Энэ нь дэлхийн бөмбөрцгийг хэд хэдэн удаа тойроод ирэхтэй адил юм.
Нэг суудал дээрээ 3-аас илүү цаг хөдөлгөөнгүй суудаг буруу зуршилтай.
Уг нь сайн явж, гүйвэл бараг 6 жилээр урт наслах “шанстай” аж.
Хүн амьдралынхаа 2 долоо хоногийг үнсэлцэж өнгөрөөдөг байна.
Утасныхаа дэлгэцийг ширтэж 4 жилээ авдаг.
Эмэгтэйчүүд турах дасгал хийхэд 17 жилээ зориулдаг гэнэ.
Бид бүх амьдралынхаа 90%-ийг байшин савны дотор өнгөрөөдөг аж.
Энэ нь ойролцоогоор 71-78,6 жил гэсэн үг юм байна.
Бидний амьдралын 11 жил нь телевизорын дэлгэцний ард өнгөрдөг.
Энэ нь өдөрт 4 цаг телевизор үздэг гэсэн тооцоон дээр үндэслэгдсэн аж.
Эмэгтэйчүүд дунджаар амьдралынхаа 46 800 цагийг цэвэрлэгээнд зарцуулдаг байна.
Энэ нь тоос соруулж, шал угааж, арчиж цэвэрлэсээр 5,5 жилээ өнгөрөөнө гэсэн үг юм.
