Эерэг бодол сэтгэлгээ нь тархийг аз жаргалтай болгодог. Хэн нэгэн бүжиглэх дуртай, бүжиглэснээр бие хөнгөрч сэтгэл ханамж авдаг. Үүнтэй харьцуулахад…

Эерэг бодол сэтгэлгээ нь тархийг аз жаргалтай болгодог. Хэн нэгэн бүжиглэх дуртай, бүжиглэснээр бие хөнгөрч сэтгэл ханамж авдаг. Үүнтэй харьцуулахад эерэг сэтгэлгээ бол тархины бүжиг. таны толгойд орж буй бодлууд нь таны амьдралын хэв маягийг тодорхойлох, таныг амжилтанд хүргэх чиглүүлэгч.

~~~Надад хэн ч хайргүй~~~

Хайртай хүн нь орхисон, нөхөр нь халамжгүй, хамт олон нь тоодоггүй, эцэг эх нь ойлгодоггүй гэх мэтийн гомдол цөхрөл цухалзаж байдаг.Мөн зарим тохиолдолд бага насны хүмүүжил ч нөлөөлөх нь бий. Харин сэтгэлзүйчдийн баталж буйгаар аливаа хүнд заавал хэн нэгэн (түүнээс ч олон хүн) хайртай байдаг.

Гол бэрхшээл нь хүн тэр бүр хайртай байгаагаа илчилж, илэрхийлж чаддаггүй, өөрийг нь ойлгоно гэж найдаж байдаг. Ялангуа Монголчууд бид хүнд урмын үг хэлэхдээ тааруухан, хайртай талархалтайгаа сэтгэлдээ "түгжчихдэг" гэмтэй. Ямар сайндаа "хайр нь дотроо хал нь гаднаа" гэсэн хэлц үг байхав дээ. Иймд хэрэв та хэн нэгэнд хайртай, талархалтай ханддаг бол үүнийгээ илэрхийлж сураарай.

~~~Сонирхолгүй ажил~~~

Хэрэв та ямар нэгэн ажил эрхэлж байгаа бол чин сэтгэлээсээ, урам зоригтой хандахыг хичээ. Зүгээр л сонирхолгүй ажил гээд орхичих юмуу эсвэл үр ашиггүй өнгөрөөх нь танд л хортой. Та "сонирхолгүй" гэх ажлаа өөр талаас нь хар. Ямартаа ч та ажилгүй олон хүнийг бодвол цалин мөнгөтэй, зорилготой, хамт олоной байгаа шүүдээ. Үүнд талархалтай ханд. Түүнчлэн ажил эхлээд тийм ч сонирхолтой байдаггүй. Хүн ажлынхаа онулогт аажим дасан зохицож, хэвшил дадал суудгийг мартамгүй.

~~~Би мөнгөгүй туйлын ядуу~~~

Тэнгэрээс эд баялаг унаад ирэхгүй нь тодорхой.

Мөнгөтэй ажил төрөлтэй болох янз бүрийн боломж байна. Харин та ажил уалин голдог бол хэзээ ч ахиж чадахгүй. Бага цалинтай ажлаас эхэлж байгаад урагш алхам алхамаар ахисан, баяжсан хүмүүс цөөнгүй байдаг.

~~~Өөрийгөө толинд хараад сэтгэлээр унадаг~~~

Байгалийн жам ёсыг ямар ч шидтэн зогсоож чадахгүй. Өглөө босоод л толинд харахад нэг илүү үрчлээс ч нэмэгдсэн юм шиг, бэлхүүс хавиар махалсан ч юм шиг янз бүрийн өө сэв ялангуяа эмэгтэй хүнд эмзэг тусдаг. Хэрэв иймэрхүү шүүмжлэл, өөртөө гоочлонгуй хандах явдал даамжирвал та урагш ахиж чадахгүй.